Հարգելի Սաթ, բարև Ձեզ: Տվյալ հատվածի աղվամազերի կոշտանալը և երկարանալը կարող է կապված լինել հորմոնալ խանգարումների հետ, ցանկալի է դիմել գինեկոլոգ-էնդոկրինոլոգի խորհրդատվության: Ինչ վերաբերում է Ձեր երկրորդ հարցին, ապա ձեռքերի հատվածում սառնության զգացողությունը կապված է ծայրամասային արյան շրջանառության խանգարման հետ, որը տարբեր պատճառներ կարող է ունենալ:

Հարգելի YANA, ընդհանրապես ցանկալի չէ հեռացնել անցանկալի մազերը ունելիով, այն վնասում և գրգռում է մազապարկը: Ստորև ներկայացնում ենք հղում, որտեղ կգտնեք կապտուկները տնային պայմաններում վերացնելու արդյունավետ միջոցներ.

https://www.med-practic.com/arm/349/26702/article.more.html

Հարգելի Marina, հարկավոր է նախ պարզել դա մաշկային որևէ հիվանդության նշան չէ արդյոք: Եթե ոչ մի առողջական խնդիր չկա,ապա դեմքի կարմրությունը ուղղակի օրգանիզմի առանձնահատկություն է, որը կապված է մաշկի  մազանոթների մակերեսային տեղակայման հետ: Ստորև ներկայացնում ենք հղումներ, որտեղ կգտնեք միջոցներ դեմքի  կարմրությունը վերացնելու կամ նվազեցնելու համար.

https://www.med-practic.com/arm/808/19659/article.more.html

https://www.med-practic.com/arm/808/19294/article.more.html

https://www.med-practic.com/arm/article.more.html

Հարգելի Gohar,դնչի,կզակի  հատվածում նորմայում կան աղվամազեր,սակայն եթե նկատում եք ավելի մուգ,կոշտ մազերի աճ նշված հատվածներում,դա վկայում է էնդոկրին խանգարման մասին:Նշենք նաև,որ նման խանգարումները ուղեկցվում են նաև այլ ախտանիշներով` դաշտանային ֆունկցիայի խանգարում,ճարպակալում,մազաթափություն,դեմքի վրա կորյակների առաջացում,մազերի աճ պտուկների շրջանում և այլն:

Հարգելի  MERI, անցանկալի մազերը հեռացնելիս աշխատեք ընտրել հնարավորին չափով  անվտանգ, արդյունավետ և Ձեր  մաշկին համապատասխանող միջոց: Ցանկալի է կատարել մազերի հեռացում մասնագիտացված կենտրոններում, որտեղ ավելի ճիշտ կարող են խորհուրդ տալ Ձեր մաշկին հարմար մազահեռացման տարբերակը: Ունելիով (պինցետով)  մազերը հեռացնելիս Դուք վնասում, գրգռում  եք մազարմատը, որից կարող է առաջանալ մազարմատի բորբոքում: Ձեր դեպքում հարկավոր է նախ վերացնել բորբոքումը, այնուհետև մտածել մազերի հեռացման մասին: Եթե համոզված եք, որ չկա մազարմատի բորբոքում, այլ ընդամենը կապտւկ է, ապա կարող եք օգտագործել հեպարինի քսուկ, կատարել կամֆորայի յուղով տեղային մերսում: Եթե առկա է մազարմատի բորբոքում և նշված միջոցները օգուտ չեն տալիս, ապա պետք է դիմել մաշկաբանի՝ համապատասխան բուժում ստանալու համար:

Հարգելի Meri, հարկավոր է դիմել գինեկոլոգի խորհրդատվության:

Հարգելի Marine, խնդրի միակ լուծման տարբերակը դիմել լազերային մազահեռացմանը:

Հարգելի GAYANE, դեմքի անցանկալի մազերի հեռացման բազմաթիվ միջոցներ կան, սակայն նպատակահարմար է դիմեք բժիշկ մաշկաբան-կոսմետոլոգի:  

Հարգելի lilit, բարև Ձեզ, ստորև ՄԱՐՄՆԻ ԽՆԱՄՔ խորագրի հղումն է, որտեղ Դուք կարող եք գտնել տարբեր հոդվածներ մազերի հեռացման մասին:

https://www.med-practic.com/arm/809/article.html

Հարգելի Գոհարիկ, բարև Ձեզ, անցանկալի մազերից ազատվելու Ձեր նշած մեթոդի պրակտիկ կիրառության մասին տվյալների չենք տիրապետում, համացանցային ֆորումներում նույնպես չգտանք, ուստի որևէ խորհուրդ տալ չենք կարղ, սակայն կարող ենք  նշված միջոցին վերաբերող հոդվածի հղում տրամադրել.

http://china-shop777.ru/maslo-muravinyx-yaic-tala-dlya-udaleniya-nezhelatelnyx-volos-navsegda-20-ml-pr-vo-turciya/

Հարգելի Karina, բարև Ձեզ, դաշտանային ցիկլի խանգարումները վկայում են նաև հորմոնալ խանգարումների մասին, որոնց արդյունքում կարող են առաջանալ նաև մազակալման խնդիրներ: Հարկավոր է դիմել գինեկոլոգ-էնդոկրինոլոգի, ով ավելի մասնագիտացած է նման խնդիրներում:

Հարգելի Աննա, բարև Ձեզ, նկարագրած մազակալումը կարող է լինել մակերիկամի ֆունցիայի խանգարման հետևանքով: Խորհուրդ չենք տալիս մեխանիկական ճանապարհով մազահեռացման մեթոդներին դիմել, քանի որ դրանք հետագայում կնպաստեն ավելի շատանալուն, միայն լազերային էպիլյացիան կարող է արմատապես օգնել: Սակայն մինչ նման որոշում կայացնելը խորհուրդ ենք տալիս դիմել գինեկոլոգ-էնդոկրինոլոգ մասնագետի խորհրդատվության:

Հարգելի Լուսինե, բարև Ձեզ, առաջին հերթին պետք է հրաժարվել մազահեռացման սարքից, որից օգտվում եք, քանի որ առաջին հավանական պատճառը նա կարող է լինել, փորձեք այլ մեթոդ։ Եթե շարունակվի մազերի ներաճը, դիմեք մաշկաբան-կոսմետոլոգի խորհրդատվության։